Ümumi təhlükəsizlik məlumatları
Tətbiq
Hər hansı çatışmayan CGM məlumatı ilə bağlı təxmin yürütməyin və ya fərziyyələr irəli sürməyin. Hər hansı çatışmayan CGM məlumatının təxmin və ya ehtimal edilməsi insulin dozajlaması kimi yanlış terapiya qərarlarına aparıb çıxara bilər.
Çatışmayan CGM məlumatları halında tətbiqinizin düzgün şəkildə qurulduğundan, eləcə də sensor və mobil cihazınızın qoşulduğundan əmin olun. Tətbiq və sensorunuzun düzgün şəkildə quraşdırılması barədə ətraflı məlumat üçün Başlamaq fəslinə nəzər salın. Tətbiq və ya sensorun düzgün şəkildə işlədiyindən əmin deyilsinizsə, qlükoza səviyyənizi yoxlamaq üçün alternativ üsuldan istifadə edin və müştəri dəstəyi ilə əlaqə saxlayın.
Komponentlərin dəyişdirilməsi və ya istifadə təlimatlarına əməl edilməməsi tətbiqin nəzərdə tutulduğu kimi işləməsinin qarşısını ala bilər.
İstifadə təlimatlarını diqqətlə oxuyun və onlara əməl edin.
Diabetə nəzarət və ya ümumi terapiyanız üzrə dəyişiklikləri yalnız səhiyyə işçiləri edə bilər.
Terapiyanız ilə bağlı suallarınız varsa, səhiyyə işçisi ilə məsləhətləşin.
Tətbiq qlükoza dəyərlərini həmişə göstərməyə bilər. Burada iki nümunə verilmişdir:
- Mobil cihazınızın batareyası bitərsə.
- Mobil cihazınızı itirsəniz.
Qlükoza səviyyənizi yoxlamaq üçün alternativ üsullara girişiniz olduğundan əmin olun.
Məsələn, uşaqlar və ya digərləri təsadüfən kalibrləmə dəyərlərini əlavə edə bilər. Yanlış kalibrləmə dəyərləri sensorun təmin etdiyi CGM məlumatlarına mənfi təsir edə bilər. Üçüncü tərəflərin tətbiqə giriş imkanı əldə etməsinin qarşısını almaq məqsədilə məlumatların mühafizəsi üçün təlimatlara əməl edin. Girişin mühafizəsi bölməsinə nəzər salın.
Mobil cihazlar xüsusi tibbi cihazlar deyil. Yalnız tətbiq ilə uyğun gələn mobil cihazlardan istifadə edin. Accu-Chek SmartGuide tətbiqinin texniki məlumatları fəslinə nəzər salın. Uyğun olmayan və ya dəyişiklik edilmiş mobil cihazlarda tətbiqdən istifadə etməyin. Şübhəniz yaranarsa, mobil cihazınızın istehsalçısı ilə əlaqə saxlayın.
Həmişə qlükoza səviyyənizi yoxlamaq üçün hazır alternativ üsullarınız olsun. Mobil cihazınızı itirsəniz və ya sistemdə nasazlıq yaranarsa, qlükoza səviyyənizi yoxlamaq üçün alternativ bir üsula keçid edin.
Mobil cihazınızın mühit şərtləri barədə məlumat üçün mobil cihazınızın İstifadəçi təlimatına, yaxud mobil cihazınızın əməliyyat sisteminə (OS) istinad edin.
Tibbi elektrikli avadanlıqlara əlavə avadanlıq qoşan istənilən şəxs tibbi sistemi konfiqurasiya edir və buna görə də sistemin tibbi elektrikli sistemlər üçün tələblərə uyğun olduğunu təmin etmək üzrə cavabdehdir.
Mobil cihazınız müvafiq IEC və ya ISO standartlarına (məsələn, IEC 60950 və ya IEC 62368) uyğun olmalıdır. Konfiqurasiyalar tibbi elektrikli sistemlərin tələblərinə uyğun gəlməlidir (IEC 60601-1 standartının ən son keçərli versiyasının 16-cı bəndinə nəzər salın). Şübhəniz yaranarsa, mobil cihazınızın istehsalçısı ilə əlaqə saxlayın.
Tətbiq yalnız tək bir şəxsin istifadəsi üçün nəzərdə tutulub.
Tətbiqdən istifadə etməzdən əvvəl mobil cihaz parametrlərinizi yoxlayın. Tətbiq səsin vacib informasiya barədə düzgün şəkildə siqnal verməsini tələb edir. Əks halda, informasiya nəzərdən qaça bilər.
Hər hansı bir cihaz üçün defolt şrift ölçüsündən başqa hər hansı şrift ölçüsündən istifadə etmək tətbiqin nəzərdə tutulduğu kimi işləməməsinə səbəb ola bilər.
Sensor
Cihaz ilə birlikdə təqdim edilən paket daxiletməsindəki bütün təhlükəsizlik məlumatlarına xüsusi diqqət ayırın.
İnsulin dozajlaması kimi terapiya qərarlarını bir neçə cari qlükoza dəyərinə və qlükoza dəyərlərinizin dəyişmə istiqamətinə əsasən verin. Tətbiqin göstərdiyi qlükoza dəyərləri həmişə dəqiq olmaya bilər. İnsulin dozajlaması kimi terapiya qərarları verməzdən əvvəl həmişə tətbiqin dəyişiklik qrafikinə nəzər salın. İnsulin dozajlaması kimi terapiya qərarları verən zaman cari sağlamlıq vəziyyətinizi və fiziki fəaliyyət səviyyələrinizi də nəzərdən keçirin.
Hipoqlikemiya və hiperqlikemiya simptomlarını nəzərdən kənar saxlamayın. Özünüz terapiyanıza əhəmiyyətli dəyişikliklər etməyin. Göstərilən qlükoza dəyəriniz hiss etdiyiniz səviyyə ilə üst-üstə düşmürsə:
- Qlükoza səviyyənizi yoxlamaq üçün alternativ bir üsula keçid edin.
- Simptomlarınız qlükoza dəyəriniz ilə üst-üstə düşmürsə, səhiyyə işçisi ilə məsləhətləşin.
Ətraflı məlumat üçün Ümumi nasazlıqların aradan qaldırılması bölməsinə nəzər salın.
Zədələnmiş sensor düzgün şəkildə işləməyə bilər.
Sensor hər hansı təsirə məruz qalarsa, məsələn, top dəyərsə, zədələri yoxlamaq üçün sensoru vizual olaraq nəzərdən keçirin. Hər hansı qeyri-adilik aşkar etsəniz, sensoru çıxarın və yenisini taxın.
Mobil cihazınızı yalnız istehsalçının tövsiyə etdiyi şəkildə işlədin (məsələn, zədələnmiş və ya dəyişdirilmiş cihazdan istifadə etməyin). Şübhəniz yaranarsa, mobil cihazınızın istehsalçısı ilə əlaqə saxlayın.
Aşağı və ya çox yüksək qlükoza hallarını nəzərdən qaçırmadığınızdan əmin olun. Səhiyyə işçisinin təlimatlarına əsasən qlükoza səviyyənizi yoxlamaq, yaxud qlükoza səviyyənizin aşağı və ya yuxarı olduğunu hiss edirsinizsə, bundan əmin olmaq üçün müntəzəm əsasda tətbiqi açın. Heç vaxt aşağı və ya yüksək qan şəkəri simptomlarını nəzərdən qaçırmayın.
Müntəzəm gigiyena rejiminizə əməl edin, amma sabun və şampunun sensorla həddindən artıq təmas etməsinin qarşısını alın. Sensoru təmiz saxlamaq üçün yalnız minimal miqdarda sabundan istifadə edin.
Sensora və ya tətbiq nahiyəsinə dəriyə qulluq məhsulları və gigiyenik məhsullar (həşəratlardan mühafizə vasitəsi, günəş kremi və s.) tətbiq etməyin. Bu məhsullar sensora və ya yapışqan yastığa zərər dəyməsinə səbəb ola bilər.
Bədəniniz sensora və ya yapışqan yastığa reaksiya verə bilər. Dəri qıcıqlanması və ya iltihablanmasını yoxlamaq üçün müntəzəm olaraq tətbiq nahiyəsini nəzərdən keçirin. Şübhəniz yaranarsa, yaxud tətbiq nahiyəsi iltihablanarsa və ya yerli dəri reaksiyaları (məsələn, allergik reaksiya, ekzema) baş verərsə, dərhal sensoru çıxarın və səhiyyə işçisi ilə məsləhətləşin.
Yapışqan yastığın xarici kənarları dəridən azacıq qalxarsa, sensor hələ də düzgün şəkildə işləməyə davam edəcək. Buna baxmayaraq, sensorun altındakı yapışqan yastığın hər hansı hissəsi dəridən qalxarsa, sensoru yenidən taxmağa, yaxud sensoru dəriyə lentlə yapışdırmağa cəhd etməyin. Yenidən taxılmış sensor düzgün işləməyə bilər. Əvəzində yeni sensor taxın.
Sensor düşərsə, istifadə edilmiş sensoru yenidən taxmayın. Yenidən taxılmış sensor düzgün işləməyə bilər. Əvəzində yeni sensor taxın.